Auðkenni	00001
Heiti	Barnaskólinn
Mynd
Myndatexti	KCM 196. Myndin er tekin af Kristjáni C. Magnússyni.
Götuheiti	Aðalgata
Götunúmer	2
Póstnúmer	550
Staður	Sauðárkrókur
Eldri staðsetning
Byggingarár	1908
Hönnuður	Rögnvaldur Ólafsson (1874-1917)
Smiður	Steindór Jónsson (1879-1953)
Stærð í fermetrum	220.2
Fastanúmer	213-1093
Byggingarefni	Timbur og járn
Ágrip	Árið 1908 var reist nýtt barnaskólahús á Sauðárkróki. Áður hafði verið kennt í húsinu Baldur við Aðalgötu 24 sem seinna varð að Verslun Haraldar Júlíussonar. Barnaskólinn var settur í fyrsta sinn í þessu húsi 19. október árið 1908. Kennt var í húsinu fram til ársins 1948 en ný skólabygging reis við Freyjugötu árið áður. Uppfrá því fékk húsið nýtt hlutverk og hýsti það bæjarskrifstofur eftir að skólakennslu var hætt þar. Ýmis önnur starfsemi hefur verið í húsinu, eins og tannlæknastofa Péturs Ólafssonar, teiknistofa fyrir arkitekt, kosningaskrifstofa, skrifstofur fyrir héraðsfréttablaðið Feykir, prentsmiðjan SÁST og upplýsingamiðlun. Undir lok 20. aldar var húsið endurbyggt í upprunalegri mynd og var lokið við þá endurbyggingu árið 2000. Í febrúar sama ár hóf Náttúrustofa Norðurlands vestra starfsemi í húsinu. Síðar fékk Minjavörður Norðurlands vestra aðstöðu þar. Árið 2013 lauk starfsemi Náttúrustofunnar í húsinu og nokkru áður hafði Minjavörður flutt sig í Aðalgötu 23, Villa Nova. Tilbrigði við norsk-íslenska gerð - lágris-gerð.
Heimildir	Héraðsfréttablaðið Feykir. Kristmundur Bjarnason: Saga Sauðárkróks, fyrri hluti fram til ársins 1907. Sauðárkrókskaupstaður, 1969, bls. 180. Kristmundur Bjarnason: Saga Sauðárkróks, síðari hluti I, 1907-1922. Sauðárkrókskaupstaður, 1971, bls. 287-291.
Skrásetjari	Gísli Þór Ólafsson
Dagsetning skráningar	2014/09/30
WGS84 N	65,749982
WGS84 W	-19,650051